Молитва о заступничестве св. Шарбеля

(Новенна св. Шарбелю)

1)  Во имя Отца и Сына и Святаго Духа. Аминь.

Господи Иисусе Христе молитвами святых твоих, как на Востоке, так и на Западе просиявших, помилуй нас.

Молитва Святому Духу.

2) Царю Небесный, утешителю, Душе Истины, иже везде сый и вся исполняяй прииди и вселися в ны, и очисти ны ото всякой скверны и спаси, Блаже, души наша. Аминь!

Слава Отцу и Сыну и Святому Духу и ныне и присно и во веков . Аминь!

3)  Читаем «Отче Наш» (1 раз)

4) Владыко Господи, Всемилостливый и Преблагословенный Боже Наш, иже подвигл еси святаго Шарбеля, жити и умерети во благодати Сына Твоего, Иисуса Христа и дал еси ему, угоднику твоему  Великую Животворящую Силу благодати Твоея, о еже избавляти страждущих и скорбящих чад твоих от всяких недугов, скорбей и болезней. Сия же поминающее, смиренно просим тя, Милосердный Боже Наш, ниспошли и нам, многогрешным, великия и богатыя милости твоея и сподоби нас хотя бы в малом любити Тебя и служити Ти, подобно святому преподобному и богоносному отцу нашему Шарбелю, опеке и покровительству, которого мы ныне себе отдаем, уповая на Великое и Неизреченное Милосердие Твое. Аминь.

5)  Владыко Господи Вседержателю и Творче всех, Отец щедрот и Бог милости, через преславного и пречудного угодника Твоего, святого отца нашего Шарбеля, многия великия чудеса сотворивый и дары благодати твоея многим людем ниспославый; преклоняясь пред Неспотижимым величием твоим и сознавая свою греховность и вину пред Тобою, прошу Тебе, Отец Небесный, о прошении всех моих грехов, иже от юности моея до настоящего дня и часа словом, делом и помышлением, согрешихом и своими неправдами Тя, любящего мя Отца и Владыку, многократно оскорбихом. Уповая же на Великое и Неизреченное твое Милосердие, я прошу Тебе дозволити мне прияти сугубую милость и заботливое попечительство великого избранника Твоего Преподобного Шарбеля; его же святыми и благомощными молитвами исцели все мои болезни душевные и телесныя и обрати меня от злых дел и грехов к житию благочестивому и богоугодному; ниспошли мне благую кончину, дабы, окончив дни живота моего в мире и покаянии я сподобил(а)ся купно со святым отцом Шарбелем воспевати Всесвятое Имя Твое, Отца и Сына и Святаго Духа во веки веков. Аминь.

6)  Господи Щедрый и Милостивый, Долготерпеливый и Многомилостивый, внуши молитву мою и вними гласу моления моего: сотвори со мною знамение во благо, и настави мя на путь Твой, во еже ходити во истине и любви Твоей; воздвигни сердце мое, во еже смиренне склонятися пред Спасительным Промыслом Твоим. Под твою защиту прибегая, Творче и Создателю мою, прошу Тебя, Многомилостиве, дух праздности, уныния, любоначалия и празднословия не даждь ми; дух же смиренномудрия, целомудрия, терпения и любве даруй мне, (имя рек); Ей, Господи мой, даруй мне зрети моя прегрешения и не осуждати братий моих; руководи моей волею и научи мя молитися, надеяться, верить, терпеть и прощать, ибо Ты еси Бог Един; и несть подобен в непостижимом Величии Твоем, Царю Вселенной, Владыка Ангелов и Святых, одеяйся светом, яко ризою, простираяй небо, яко кожу, полагаяй облаки на восхождение Свое и ходяй на крыльях ветров твоих (Пс. 103 (1- 6), Ты еси Силен в Милости и Благ в крепости, во еже помагати и утешати, спасати всех, уповающих на Имя Твое, Отца и Сына и Святаго Духа ныне и присно и во веки веков. Аминь.

7)   1 раз «Отче Наш», 2 раза «Богородице Дево, радуйся».

8)   Господи Иисусе Христе, Сыне Божий, помилуй мя грешнаго (ную) (5 раз)

9)  Достойно есть, яко воистину блажити Тя, Богородицу, Присноблаженную и Пренепорочную, Честнейшую Херуим и Славнейшую без сравнения Серафим; без истления Бога – Слово Родшую, Сущую Богородицу ,Тя величаем. Аминь.

10)  Слава Отцу и Сыну и Святаго Духу и ныне и присно и во веки веков. Аминь.

11) Господи Иисусе Христе, Сыне и Слове Божий, нас ради воплотивыйся, страдавый и на Кресте умерый и Воскресением Твоим явивый источник неиссякаемого милосердия для всего мира, внемли молитвам Святого Шарбеля и его ради ходатайства, прости благослови и спаси всех нас. Аминь.

Приложение

1. Молитва Святому Шарбелю об исцелении.

О святый и преславный чудотворче, преподобне отче наш Шарбеле, похвало и утверждение Церкви Христианския! Верую от всея души и помышления, яко дадеся тебе от Господа Нашего Иисуса Христа дар болящия врачевати и расслабленныя укрепляти. Сего ради к Тебе, яко благодатному врачу болезней аз немощный (немощная) (имя рек) прибегаю и, твой досточтимый образ созерцая с благоговением молюся: твоим представительством у Отца Небесного испроси мне болящему (болящий) исцеление от удручающей меня болезни, аще бо и недостоин(а) есть тя, благочестнейшего отца и заступника моего но ты, быв подражатель человеколюбия и милосердия Божия, сотвори меня достойна(ой) быти через мое обращение от злых дел к благому житию, уврачуй обильно дарованною ти благодатию язвы и струпы души и тела моих, даруй ми здравие и спасение и во всем благое поспешение, да тако, тихое и безмолвное житие пожив во всяком благочестии и чистоте, сподоблюся, со всеми святыми и тобою славити Всесвятое имя Отца и Сына и Святаго Духа во веки веков. Аминь.

2. Молитва ко святому отцу Шарбелю. Благодарственная.

О, Великий угодниче Христов и преславне чудотворче, предивне и преблаженне отче наш Шарбеле. Ты веси, яко мы любим тя, яко с радостью и трепетом произносим твое освященное и прославленное Богом имя, яко благоговейно чтим подвиги твои и память твою святую. Несумненно веруем и уповаем на твое заступничество за нас пред престолом Святыя Троицы, и просим тя, отрадо и утешение наше, не престай умоляти Творца Нашего о спасении и благополучии нашем. Вспоминающее же многочисленныя благодеяния твоя,  иже оказал еси всему роду человеческому и истину учения Христова в многогрешном мире сем утвердил еси; благодарим тя, безчисленные блага молитвами твоими нас испросившего; чудодейственныя исцеления  страждущим оказавшего; слепым – очи отвергшего; глухим – слышание даровавшего; хромым – хождение возвратившего; неисцельные недуги телесныя и душевныя уврачевавшего; болезни многообразные исцелившего; и в скорбных и сложных обстояниях суетнаго жития нашего великое и преславное вспоможение оказавшего; мир, согласие, любовь к Богу и ближним прибегавшим ти даровавшего и иных множество благодеянияй ниспославшего. Вся сия же поминающе просим тя, преподобне отче наш Шарбеле, настави и подвигни нас на молитву благодарения и славословия Отца Нашего Небеснаго, Его же моли прилежно, ради тайны искупления, и драгоценной крови, пролитой  Господом Иисусом Христом, Его Божественным Сыном и Спасителем Нашим, ради искупления и освящения нашего, ниспослати всем христианам, огонь Божественной Любви, чтобы они всею душею заботились о своем вечном спасении и спасении ближних своих и чтобы скорее на земле было Едино Стадо и Един Пастырь (Евангелие от Иоанна 10:16), чтобы прекратилось разделение христиан, вражда и озлобление друг на друга среди последователей Господа Иисуса   и, чтобы в единении истины и любви Христовой, все славословили Предвечнаго Бога Нашего, Дивнаго во святых Своих, Отца и Сына и Святаго Духа во веки веков.Аминь.

Молитва .

      Боже Великий и Сильный, Боже Святый и во святых почиваяй! Се ныне мы, раби недостойнии, колена сердец наших в страсе и умилении приклоньше подножию величествия Твоего, припадаем и, не дарзая воззрети на высоту небесную, смиренно милости Твоея безмерныя чаем. Веси, Господи, яко недостойни есмы, но на молитву к Тебе ныне воздвизаем дивнаго святаго Твоего Шарбеля, чудотворца новоявленнаго, иже воистину бе муж по сердцу Твоему. Ты бо рекл еси, Господи, пречистыми усты Твоими, яко ради и десятих праведных не погубиши града нечестивых.

      Умилосердися, Владыко Святый, и ныне на нас, непотребных и премного согрешивших рабех Твоих, и прими в умилостивление молитвы пречуднаго сего угодника Твоего, с ним же и всех святых Твоих, как на Востоце, так и на Западе просиявших, да ходатайствуют сии пред Тобою о нас, недостойных чадех их, многа бо любы их, многое и дерзновение пред лицем Твоим. Многими грехми помрачися естество наше, осквернихом души и телеса своя по действу исконнаго человекоубийцы и противника Твоего, но паче припадаем благости Твоей, на милосердие Твое токмо надеющеся.

      Усердно же просим и великаго ходатая нашего и теплаго в бедах нашего предстателя Шарбеля(, неповиннаго воистину во очесех Твоих,) да пролиет и свою многомощную молитву пред Тобою, Отцем Светов. Не взирай убо на грехи наша, Боже Превечный, но призри на веру и надеяние наши и предстательством избранника Твоего Шарбеля, и очисти ны от скверн наших. Яко да слезами покаяния и действом благодати Твоея очищени, возможем внити в светлый оный и прекрасный чертог, его же уготовал еси любящим Тя, и тамо купно со святым Шарбелем возможем воспевати пречестное и великолепное имя Твое, Отца и Сына и Святаго Духа, в безконечныя веки веков. Аминь.